Барселона го заборава Вилијамс и се врти кон трансфер пазарот, три имиња се во фокусот

Барселона го имаше пикирано Нико Вилијамс како идеално засилување за овој летен преоден рок, играч за кој беше подготвена да ја активира и откупната клаузула, но играчот во ниту еден момент не даде зелено светло за затварање на оваа операција за да денеска биде испратена јасна порака дека во новата сезона се гледа во Атлетик Билбао.

Тој доби нов број, поточно дресот со бројот 11 го замени со „десетката“ која досега му припаѓаше на Икер Муниаин, па воедно порача дека сака да испише историја. Ова беше прва јасна, директна порака која дефинитивно допре до луѓето на „Камп Ноу“ кои вниманието ќе го насочат кон други цели.

Крај на сите надежи за Барселона: Вилијамс доби нов број во Билбао и испрати јасна порака (ВИДЕО)

„Мундо Депортиво“ пренесува дека Барса и понатаму ја остава отворена вратата за Нико, меѓутоа играчот мора да виде тој што ќе повлече потег.

Затоа сега три нови имиња се во фокусот и тоа Луис Дијаз од Ливерпул, Кингсли Коман од Баерн Минхен и Рафаел Леао од Милан. Реално прашање е колку е реално Барса да дојде до Дијаз или Леао, ама опцијата Коман е отворена, тој не е недопирлив во Минхен, постои и можност за заем со право на откуп што дефинитивно дава можност Французинот да пристигне и одново да соработува со Хански Флик.