Барселона го реши Реал пред 82.000 навивачи во Њујорк (ВИДЕО)

Фудбалерите на Барселона славеа над Реал Мадрид со 2-1 во пријателската средба која се одигра во Њујорк.

Повеќе од 80.000 навивачи беа присутни на ова соочување на кое временските услови правеа проблем, дуелот не започна во закажаното време, но тоа што е најважно потоа се создадоа услови и Барса славеше над лутиот ривал.

Со ова каталонците продолжија да ги добијаат Ел Класико битките на американска земја со оглед на тоа што претходно беа подобри и во Мајами (2017), Лас Вегас (2022) и Далас (2023).

Во фокусот се најде најдобриот стрелец на Барселона Б од минатата сезона, Пау Виктор кој на овие подготовки покажува дека дефинитивно чука на вратите на првата екипа и нема да биде изненадување ако добива шанса во натпреварувачката 2024/2025.

Тој стрелаше против Манчестер Сити, а рано утрово погоди и двапати против „кралевите“ во 42 и 54 минута.

Единствениот гол за Реал беше дело на Паз во 82 минута.

Следниот тест за Барса е против Милан, Реал пак игра со Челси.