Барселона го „пецна“ Реал Мадрид: Социјалното дистанцирање изгледаше вака (Фото)

Фудбалерите мора да се привикнуваат на социјално дистанцирање и при одружувањето на тренинзите пред да се вратат во некоја нормала која ќе им овозоможи и враќање на фудбалските терени, а Барселона е еден од првите шпански клубови кои почна со редовни тренинзи после двомесечната пауза поради коронавирусот.

Проценките се дека Ла Лига ќе се рестартира во втората половина на месец јуни, но додека се чека официјална потврда за такво нешто, официјалниот Твитер профил на Барселона одлучи да ги раздвижи нештата.

Шпанскиот првак го „пецна“ лутиот ривал Реал Мадрид и го потсети како изгледало социјалното дистанцирање пред оваа голема здравствена криза, со тоа што во прв план го стави Лео Меси кој е опкружен од тројца чувари на „кралевите“.

– Социјалното дистанцирање претходно беше добро….

Оваа објава на Барселона експресно стана вирален хит, но стигнаа и огромен број анимации со кои се исмејуваат каталонците, особено за нивното меѓусебно „социјално дистанцирање“ за време на незаборавниот корнер со кој Ливерпул ги потопи на „Енфилд Роуд“.

Social distancing before it was cool. pic.twitter.com/MbeIu18LJn

— FC Barcelona (from 🏠) (@FCBarcelona) May 9, 2020