Барселона дојде до 15. евролигашка победа, Звезда е во криза (ВИДЕО)

Барселона ја прослави 15. победа во Евролигата која дојде во пресметката со Баерн Минхен која ја реализираше со резултат 72:70.

Голема борба се водеше во „Палау Блауграна“, а во истата последниот збор го имаа домаќините кои прво преку Хигинс постигнаа кош за водство на 21 секунда до крајот по што потоа успешно се одбранија и дојдоа до значаен триумф со кој се израмнија соо Олимпијакос и Реал Мадрид на врвот на табелата.

Миротиќ уфрли 12, Шанли и Весели по 10 кошеви, Валер Баб кај поразените беше автор на 15 поени.

Црвена Звезда влезе во криза во ова натпреварување и најдобар доказ е четвртиот последователен пораз кој го претрпе против Олимпија во Милано. „Манекените“ ги имаа Берон и Хал кои искомбинираа 29 поени, додека кај „црвено-белите“ Бентил беше прво име со 17 кошеви.

Најголемо разочарување беше Недовиќ кој уфрли скромни за него 4 кошеви.

На последниот натпревар Валенсија загуби од Макаби Тел Авив со 93:94.