Барселона договорила засилување од Вулверхемптон

Раководството на Барселона веќе почна да го крои составот за следната сезона, а португалските медиуми јавуваат дека Жоан Лапорта и неговите соработници веќе договориле трансфер на фудбалер од Премиер лигата.

Се работи за Рубен Невеш од Вулверхемптон, португалски интернационалец за кого новиот шпански првак ќе плати околу 30 милиони евра.

„А Бола“ како португалски медиум кој е добро упатен во трансферите пренесува дека Барса ќе го објави трансферот наредниве денови, а пред се и самиот Невеш побарал тоа да не се прави пред крајот на сезоната во Премиер лигата.

Невеш е планиран како наследник на Серхио Бускетс, а би требало да дојде во пакет заедно со Илкај Гундоган, чиј договор со Сити истекува ова лето.

Рубен Невеш досега има настапувано уште само за Порто, а во редовите на „волците“ пристигна во 2017 година.