Барселона без Олмо против Валенсија, Флик веќе го избрал почетниот состав

Барселона утре ја започнува новата сезона и тоа со тешко гостување на жешкиот терен на „Месталја“ во Валенсија.

Тренерот Ханси Флик поради различни причини нема да може да смета на повеќе играчи, а меѓу нив е и најголемото засилување во овој преоден рок Дани Олмо.

Каталонците поради финансиската ситуација имаат проблеми да го регистрираат Олмо, а наводно и Флик порачал да не се брза затоа што играчот не е подготвен за настап, поточно само пред некое време се врати од одмор по обврските со шпанската селекција.

Покрај него недостапни поради тоа што не се региситрани ќе бидат Роке, Мартинез, Торе, Вале и Пау Виктор кој имаше одлични подготвки.

Медиумите на Пиринеите и пренесуваат дека Германецот наводно веќе и ја избрал почетната единаесетка за соочувањето со Димитриевски и компанија, па така Тер Штеген ќе биде на голот, Кунде, Кубарси, Гарсија и Балде во одбраната, Кристенсен, Касадо и Гундоган во средината, додека најопасни треба да биде Левандовски, Рафиња и Јамал.