Барселона активираше трансфер бомба со ангажман на НБА ѕвезда

Барселона остана без Никола Миротиќ, но затоа во својот тим во новата сезона ќе го има шпанскиот репрезентативец Вили Ернангомез.

Шпанскиот шампион активираше вистинска трансфер бомба со договорот постигнат со досегашната НБА ѕвезда, носејќи големо засилување во пресрет на новите предизвици.

МВП играчот на последното Европско првенство потпишал тригодишен договор со Барса и ќе заработува по околу 4 милиони евра по сезона.

Ернангомез доаѓа од редовите на Њу Орлеанс, а стана уште еден поранешен играч на Реал Мадрид, кој по враќањето во Шпанија потпишал за најголемиот ривал Барселона.

Претходно, Барса ги договори и Пара и Бризуела од Хувентуд, односно Уникаха.

[𝐔́𝐋𝐓𝐈𝐌𝐀 𝐇𝐎𝐑𝐀]

Willy Hernangómez, culer fins al 2026! 💙❤

— Barça Basket (@FCBbasket) July 12, 2023