Барсегјан претрча 70 метри и мајсторски го матираше Мењан (Видео)

Тигран Барсегјан своевремено беше најдобар играч на Вардар и најдобар голгетер во македонското првенство, но сега дочека момент да биде главна ѕвезда и во тимот на Слован Братислава.

НАјдобриот стрелец на словачкиот тим од стартот на сезоната продолжи да „решета“ и во Лигата на шампионите, постигнувајќи гол против великанот Милан.

„Росонерите“ поведоа во Словачка откако Павловиќ спасуваше чист гол на домаќините, но погодокот на Кристијан Пулишич не ги реши сите проблеми за фаворитот.

Еден корнер на Милан заврши во убиствена контра на домашниот тим, по што Барсегјан претрча неверојатни 70 метри, за потоа мајсторски да го матира Мењан.

Тигран сочува доволно свежина за да размислува бистро пред голот, па мангупски само го префрли голманот на Милан и израмни на 1:1.

Голот погледнете го ТУКА