Шпанија

Барса го продолжи договорот со еден од најконстантните играчи оваа сезона

Објавено

на

13 март, 2025

Од

foto:x.com/InigoMartinez

Екипата на Барселона обезбеди билет за четвртфиналето на Лигата на шампионите и веќе се подготува за дербито со Атлетико Мадрид во Примера, но во пресврет на овој меч каталонците соопштија една важна вест која се однесува на еден од најконстантните играчи во оваа сезона.

Имено продолжен е договорот со командантот на одбраната Ињиго Мартинез до 30 јуни 2026 година. Двете страни од претходно ги имаа договорено сите детали, но се чекаше зелено светло од ЛФП за да стигне официјалното соопшение од клубот од „Камп Ноу“.

Мартинез од 2023 година е дел од сегашниот тим, а под водство на Ханси Флик едноставно стана незаменлив во дефанзивната линија.

Тој во кампањата 2024/2025 има одиграно 33 натпревари, постигнато 3 погодоци и забележано 4 асистенции.