Баркли: Џордан ги малтретираше само оние со кои можеше да се носи

Чарлс Баркли како редовен коментатор на случувањата во НБА лигата е крајно популарен кај кошаркарските фанови и со своите комични изданија во друштво на Шекил О’Нил често знае да ги исмејува актуелните ѕвезди, но сепак надалеку е познат и по тоа што имаше фантастично пријателство со Мајкл Џордан, кое интересно згасна по неговите дрски коментари за обидот на Ем-Џеј да биде добар генерален менаџер.

Баркли проговори за оваа ситуација во денови кога се емитува документарецот на неповторливиот играч на Чикаго Булс, а последните епизоди ни открија дека Џордан знаел да биде навистина непододнослив и прегруб кон одредени соиграчи.

Лидерските квалитети го довеле во ситуација да малтретира дел од своите колеги во соблекувалната, со тоа што Баркли сега одлучи да ги искоментира и ваквите постапки на Џордан, потенцирајќи дека секогаш ги избрал ранливите кошаркари.

– Кога е во прашање Џордан и неговите постапки кон одредени соиграчи, се заклучува дека имало селективно гонење. Тој знае кого може да малтретира.

– Има момци со кои не може да го прави тоа. Се впушташе во такви авантури само против оние со кои можеше да се носи, – додава Баркли, алудирајќи на невкусните сцени во кои се гледа како ги вознемирува Бурел и Кер.

Баркли за Џордан: Тој ми беше како брат 20 години, сега…