Бариос погоди во „последен час“, Атлетико славеше во Севилја и се врати во трката за пехарот во Примера (ВИДЕО)

Составот на Атлетико Мадрид се избори за важна победа над Севилја од 2-1 на денешното гостување на „Рамос Санчез Писхуан“, победа со која се враќа во трката за пехарот во Ла Лига.

Избраниците на Чоло Симеоне не се предадоа до самиот крај и со убавиот гол на Бариос во 93 минута го освоија целиот плен на оваа пресметка, па така сега имаат само три бода помалку од Реал Мадрид и седум од лидерот Барселона, две екипи кои направија киксови во оваа рунда против Валенсија, односно Бетис.

Инаку Атлетико мораше да прави пресврт за да дојде до 17. сезонски триумф и тоа преку Алварез и веќе споменатиот Бариос со што беше „избришан“ голот на домашниот тим.