Барела: Докажавме дека сме на исто ниво со Сити

Интер успеа да остане непоразен на тешкото гостување во Англија кај Манчестер Сити во натпреварот од првото коло во Лигата на шампионите.

Ретко кој тим може да се пофали дека успеал да оствари позитивен резултат и притоа да не прими гол против Сити на „Итихад“, но токму тоа го направија избраниците на Инѕаги кои воедно беа и опасни кон противничкиот гол, односно ако беа пофкусирани во завршницата на акциите можеа и да го шокираат англискиот првак на негов терен.

-Овој тим го освои Скудетото минатата сезона и не направи доволно во Лигата на шампионите, така што оваа година сакаме да направиме повеќе во Европа. Растеме, попатно стекнавме искуство и тоа помага. Стигнавме до финалето пред две години, наша амбиција е да го направиме тоа повторно, потоа во фудбалот се може да се случи. Денеска против многу силен тим докажавме дека можеме да играме на исто ниво. На крајот, одредени ситуации одлучуваат за резултатите, -порача Николо Барела.

-Ми се допадна ставот, бидејќи по изданието против Монца, можевме да дојдеме овде со напнатост, но наместо тоа дадовме 200 проценти и тоа е менталитетот што ние потребен за да одиме до крај, -додаде Барела.

Следно за Интер е соочувањето со Милан во Серија А.