Барѕалји за коментарите на Де Лихт и Кулушевски: Ќе сфатат дека погрешиле

Андреа Барѕалји остави длабок печат во Јувентус и на италијанската фудбалска сцена, а во последната комуникација преку медиумите зборувал и за изјавите на дел од поранешните играчи на „бјанконерите“.

Поранешниот дефанзивец во свој стил ги прокоментирал изјавите на Дејан Кулушевски и Матијс де Лихт, кои префрлија најголем дел од вината за заминувањето на клубот, односно тренерот Макс Алегри.

– Тие се млади момци, јас би заминал без многу да зборувам.

– Во фудбалот секогаш се обидуваме да ја префрлиме одговорноста на некој друг, никогаш не велиме дека сме можеле подобро.

– Наместо негативни коментари, јас би го избегнал тоа, по неколку години ќе размислуваат поинаку и ќе го променат ставот, – изјавил Барѕалји.

Де Лихт по трансферот во Баерн имаше замерки за интензитетот на тренинзите и амбициите на клубот во Лигата на шампионите, додека Кулушевски истакна незадоволство од соработката со Алегри.