Барѕаљи: Јувентус тивко се бори за Скудетото

Јувентус има добри резултати во досегашниот дел од оваа сезона во Серија А, резултати кои за некого се изненадување со оглед на проблемите кои екипата ги имаше во однос на повреди, суспензии, казни, но „бјанконерите“ поседуваат квалитет, не играат во европските купови и тоа засега максимално го користат.

Во Торино не се расфрлаат со изјави за пехарот, поточно постојано повторуваат дека нивна главна цел е Топ 4, поточно враќање воо Лигата на шампионите. Тие го издвојуваат Интер што и не е изненадување ако се земе во предвид дека четата на Инѕаги е на првата позиција, но според легендата на „старата дама“ и на италијанскиот фудбал, Андреа Барѕаљи во целата оваа приказна ќе има што да кажат и избраниците на Алегри.

-Јуве освои многу поени, можеби повеќе отколку што можеше да се очекува. Интер е посилен затоа што има квалитетен и многу поголем состав, примија само шест гола и постигнале еден тон. Ама тие играат за тоа, а Јуве исто така  тивко се обидува, -смета Андреа.