Барди пред дуелот со Малта: Со максимален фокус до прва победа во групата

Енис Барди ќе има важна улога во македонската фудбалска репрезентација и во новиот квалификациски циклус, а заедно со колегите од националниот тим тој очекува позитивен старт на патот кон пласман на уште едно Европско првенство.

Прв противник на Македонија е селекцијата на Малта, а во пресрет на вечерашниот дуел, Барди го истакна својот став за тоа како треба да се поставиме во дуелот против послабо рангираната селекција.

– “Според последните резултати на овој тим, пласман на Европско првенство и финале во баражот за настап на Светскиот шампионат, амбициите сигурно се големи.

– Но, сето тоа мораме да го заборавиме и да се фокусираме на тоа што не очекува. Посебно за овој прв натпревар со Малта.

– За нас е многу важно да почнеме со победа бидејќи нашата цел во оваа тешка група е да забележиме што е можно повисок пласман. Знаеме дека можеме да играме против сите репрезентации, но на секој натпревар мораме да одиграме најдобро што можеме, – вели Барди во својата последна изјава.

Дуелот Македонија-Малта се игра вечерва од 20:45 часот во Скопје.