Поврзете се со нас

Шпанија

Барди објасни зошто Меси е недопирлив: Навистина го респектирам Роналдо, но Лео е посебен

Објавено

на

Енис Барди веќе трета сезона настапува во најсилното шпанско фудбалско друштво, но и самиот тој се уште не може да поверува дека веќе минаа три години откако направи трансфер од Ујпешт во Леванте.

Македонскиот репрезентативец го порача ова во онлајн интервјуто кое го имаше за еден познат унгарски спортски медиум, во кое говореше и за други актуелни фудбалски теми, но и за корона паузата која предизвика вистински колапс во цел свет. Барди вели дека за него не е новост што минува сам во својот дом, но потенцира дека одземањето на слободата поради рестриктивните мерки го доведува до лудило.

Како и сите други фудбалери, Барди едвај чека да се врати на секојдневната рутина и тренинзите со своите соиграчи, а во интервјуто се огласи и на вечната тема која никогаш не излегува од мода меѓу светските медиуми.

Офанзивниот фудбалер направи своја споредба меѓу Кристијано Роналдо и Лионел Меси, ставајќи ја во прв план аргентинската суперѕвезда која настапува за Барселона.

– Навистина го респектирам Роналдо, станува збор за играч кој направи многу за фудбалот. Но, за мене, Меси е најдобар на сите времиња. Поседува неверојатен талент и секогаш е два чекори пред другите на теренот и тоа го прави посебен. Додека Роналдо беше во Шпанија, тој имаше ривал, сега никој не е ниту близу до неговото ниво во шпанскиот фудбал, – потенцира Барди.

Реклама
Реклама
Реклама

Популарни