Барди нема да реализира трансфер во Милан, но ќе си оди од Леванте

Изминатиов период се појавија шпекулации дека Енис Барди би можел да реализира супер трансфер во Милан, но како што стојат работите тоа нема да се случи.

Сепак, и покрај тоа Барди ќе си оди од Леванте и според најавите ќе остане во Ла Лига.

Во моментов најсериозен интерес за нашиот репрезентативец има од редовите на Селта Виго од каде се подготвени да му понудат солидни примања за да го ангажираат во своите редови.

Освен Селта интерес за Барди има и од Реал Бетис, па лесно може да се случи репрезентативецот да заврши и на “Бенито Виљамарин”.

Она што може да се прочита во шпанските медиуми е и тоа дека Барди со сигурност нема да остане во Леванте и наскоро ќе има нова средина.