Бањаја се рехабилитираше од двете „нули“ со голема победа во Херез

По двете „нули“ и двата пада на трките во Аргентина и Америка, Пеко Бањаја одново стигна до највисокото скалило во Мото ГП оваа сезона, откако денеска беше најдобар на трката во Херез.

Актуелниот светски шампион дојде до 23-та победа во својата кариера, добивајќи го возбудливиот дуел кое го имаше со Бренд Биндер на денешната патека во Шпанија.

Возачот на Дукати за влакно беше подобар од претставникот на КТМ, а трет на пиедесталот заврши Џек Милер кој исто така ги брани боите на КТМ од оваа сезона.

Биндер беше тој кој водеше во најдобар дел од денешната трка, но Бањаја го дочека својот момент, го мина ривалот на три круга пред крајот, а потоа шампионски го одбрани првото место.

Со тоа, Бањаја повторно изби на првото место во генералниот пласман со 87 бода, додека Беѕеки е втор и има 65.