Бањаја се погрижи за италијанска прослава на Муџело и донесе радост во гаражата на Дукати

Трката за Големата награда на Италија во Мото ГП шампионатот донесе големо славје за домашен возач, бидејќи Пеко Бањаја успеа да направи пресврт и од петтото место дојде до првото и се избори за победа.

Џанантониот направи огромно изненадување со пол-позицијата на вчерашните квалификации, но денеска брзо го отстапи првото место и на врвот се најдоа двајцата возачи на тимот на Валентино Роси, Безеки и Марини.

Двајцата одолеваа во првите неколку круга и зад себе го имаа Квартараро, но потоа се намириса налетот на Пеко, кој ги мина сите мотоцикли пред себе и без проблеми дојде до првото место на домашната патека.

Бањаја мирно и сталожено ја одбрани првата позиција до крајот и се израдува на голема победа во Муџело, а зад него заврши Фабио Квартараро кој освои важни бодови во генералниот пласман.

Подиумот на крајот го комплетираше Алеиш Еспаргарот, додека четврти заврши Жоан Зарко. Безеки и Марини паднаа во вториот дел од трката и на крајот се задоволија со петтото и шестото место. Седми беше Биндер, осми Накагами, деветти Оливеира, додека Марк Маркез заврши на десеттото место на својата последна трка пред да замине на нова операција на раката.