Поврзете се со нас

Мото ГП

Бањаја победи, Еспаргаро се погрижи за мотоциклистичко шоу во Асен

Објавено

на

Foto:twitter.com/MotoGP

Трката за Големата награда на Холандија ни донесе најголемо разочарување од главниот фаворит за победа, но и извонредна трка во која на мотоциклистите им беше препорачано да влезат во бокс, но на крајот не го направија тоа.

Фабио Квартараро требаше да биде најголем предизвикувач на Пеко Бањаја на трката на Асен, но наместо тоа, предизвика два инциденти, од кои во првиот го собра и својот директен конкурент за титулата.

Квартараро погреши и го понесе со себе и Алеиш Еспаргаро, но Шпанецот на крајот се претвори во возач на денот бидејќи не се откажа и по излетувањето се врати на патеката. Еспаргаро беше 15-ти во тој момент, но до крајот на трката дојде до четвртото место, а последните две престигнувања му беа во последната кривина.

Желба за враќање имаше и Квартараро, но лидерот во генералниот пласман погреши и вторпат, со тоа што вториот пад беше многу потежок и ја заврши трката.  На врвот, Бањаја немаше преголем притисок и без проблеми заврши прв, додека историско беше второто место кое го освои Безеки.

Младиот Италијанец првпат во кариерата се искачи на пиедесталот со второто место, но му донесе и прв подиум од постоењето на тимот на Валентино Роси. Трет на целта заврши Маверик Вињалес, за кого ова беше исто така прв подиум како член на Априлија.

Неговиот тимски колега Еспаргаро заврши како четврти и ја намали штетата која му ја предизвика Квартараро, кој инаку беше голем џентлмен и по трката отиде во боксот на Априлија за да му се извини на Алеиш. Еспаргаро во последната кривина ги мина Биндер и Милер кои завршија петти и шести, а до десеттото место уште завршија Мартин, Мир, Оливеира и Ринс.

Реклама
Реклама
Реклама

Популарни