Бањаја ја доби жестоката битка со Маркез за прва Мото ГП победа

Франческо Бањаја успеа да ја добие драматичната битка со Марк Маркез во Арагон, победувајќи на трката за Големата награда на Шпанија од Мото ГП шампионатот.

За Италијанецот кој вози Дукати, ова е прва победа во елитната конкуренција, а до неа стигна заслужено откако вчера беше најбрз и во квалификациите.

Маркез може да биде задоволен со своите перформанси за второ место на домашен терен, додека победничкиот пиедестал е заокружен со уште еден Шпанец, односно Жоан Мир од тимот на Сузуки.

Во првата десетка се најдоа и А.Еспаргаро, Милер, Бастијанини, Биндер, Квартараро, Мартин и Накагами.

Квартараро (214 поени) останува лидер во генералниот пласман со солидна предност во однос на Бањаја (161 поен), додека на третото место е Мир со 157 поени.