Бањаја излета во Тексас и му ја подари победата на Ринс

Трката за Големата награда на Америка во Мото ГП донесе нов заплет во најсилната мотоциклистичка класа, бидејќи човекот кој беше главен фаворит за победа, на крајот му го подари триумфот на Алекс Ринс.

Светскиот шампион од 2020-та година и ја донесе првата победа оваа сезона на Хонда, но на сателитскиот тим ЛЦР кој вечерва се израдува на голем успех во Тексас.

Ринс беше во подредена улога во дуелот со најдобриот возач на Дукати, но Пеко Бањаја направи грешка и со падот му го трасираше патот до победата.

Покрај Бањаја, во воведните кругови паднаа и Хорхе Мартин и Алекс Маркез, но трката предвреме ја заврши и Џек Милер кој излета од стазата во седмиот круг.

Во продолжение, Ринс без никаква мака стигна до првиот триумф оваа сезона, а зад него заврши Лука Марини кој ја доби битката со Фабио Квартараро, за кого ова е прв подиум оваа сезона. Зад најдобрите тројца во првите 10 уште се најдоа Вињалес, Оливеира, Безеки, Зарко, Морбидели, Ди Џанантонио и Фернандес.