Балотели со точен резултат го истипува големото миланско дерби и додаде: Нема да биде паметно да се појавам на стадионот

Марио Балотели е во исчекување на конкретна понуда која ќе ги задоволи неговите апетити, но во ситуација кога се уште е слободен агент, има доволно време да биде достапен за медиумите.

Како играч кој во минатото играше за Интер и Милан, Балотели е навистина добра опција за најава на големото дерби кое се игра в недела, а кое дефинитивно може да му пресуди на Пауло Фонсека кој е под огромен притисок.

Балотели не ги коментираше внатрешните случувања во двата клуба, па во краткото интервју за „ДАЗН“ се огласи само за тоа што се случува на теренот, каде прогнозира дека ќе видиме по два гола во мрежата на двата тима.

– Дали ќе одам на стадионот? Мислам дека тоа не е паметно. Интер игра како домаќин и би се појавил само ако сакам да добијам свирежи.

– Чувствувам љубов кон двата клуба од Милано. Мислам дека нема да одам на стадион, најверојатно ќе го гледам натпреварот од дома. Очекувам возбудливо реми со резултат 2:2 и добро шоу на теренот и трибините, – изјави Балотели.