Балотели образложи зошто се уште е без клупски ангажман

Марио Балотели полека е во фаза од кариерата кога влегува во завршната етапа од професионалниот фудбалски пат, па затоа 34-годишниот напаѓач не планира да ја прифати првата понуда која ја има на маса.

Балотели е без клуб од крајот на минатата сезона кога последно ги бранеше боите на Адана Демирспор, а иако во меѓувреме се поврзуваше со повеќе клубови, Италијанецот денеска за „ДАЗН“ образложил зошто се уште е без ангажман.

„Супер Марио“ има за цел да остане во родната земја и да биде дел од елитата во Серија А, па се уште чека понуда од некој клуб на кој му е потребен напаѓач.

– Тоа што дефинитивно најмногу го посакувам е враќање во Серија. Затоа седам дома и се уште сум без клуб.

– Имав доволно многу понуди од странство за трансфер, но сакам да забавам и да им дадам предност на Италијанците. Се уште имам надеж дека ќе добијам понуда. Ако на крајот не дојде тоа од Серија А, ќе мора да бирам други решенија, – изјави Балотели.