Балотели не разговара со Кјелини, објасни зошто не ја гледал Италија на ЕП

Марио Балотели може да се врати во италијанската репрезентација за баражот со Македонија за Светското првенство, но додека се чека месец март искусниот напаѓач призна дека воопшто не го прател националниот тим на Европското првенство, шампионат на кој „аѕурите“ изненадија и ја освоија титулата.

-Не ја следев Италија на ЕП, боли да ги гледам нивните натпревари кога јас не играм. Овој тим го освои првенството без мене, сосема заслужено. Ако јас бев фит и подготвен полесно ќе триумфиравме, -порача Балотели кој обелодени дека нема никакви комуникација со искусните играчи како што е Џорџо Кјелини.

-Не зборуваме, ги немам нивните телефонски броеви, -истакна Марио чие интервју вечерва целосно ќе биде објавено.

Напаѓачот го носи дресот на турска Адана Демирспор каде на 23 мечеви има дадено 11 голови во актуелнава кампања.