Балотели: Многу работи се измислени…

Марио Балотели веќе некое време бележи пад во кариерата, но тој не се откажува и понатаму е активен на фудбалски план.

Неговиот последен ангажман беше во Адана Демирспор каде беше соиграч со Јован Манев, меѓутоа сега е слободен агент и во измиантиов период доста се говори за иднината, следната потенцијална дестинација.

Многуте вести, информации го испровоцираа поранешниот италијански репрезентативец кој реши да се огласи на социјалните мрежи.

-Забележав дека многу работи за мене се измислени. Единственото нешто што го правам е работам напорно, тренирам за да бидам подготвен за каде и да играм.

-Наскоро ќе се огласам и ќе разјаснам. За мене е важно да работам и да бидам спокоен. Добив неколку понуди и го барам најдобриот проект за мене. Весниците, клубовите и луѓето можат да продолжат да кажуваат срања. Одвреме-навреме, -порача Марио во негов стил.