„Балкански“ Норвежанец го испорача „проектилот“ на денот во Европа (Видео)

Турскиот прволигаш Гезтепе денеска триумфираше со убедливи 5:1 на дуелот до Денизлиспор од домашното првенство, а посебно атрактивен беше последниот постигнат во мрежата на гостите.

Заслуги за оваа реализација има Златко Трипиќ, кој во 71. минута ги постави конечните 5:1, испраќајќи „проектил“ од триесетина метри во мрежата на немоќниот голман на Денизли.

Трипиќ инстантно стана хит меѓу турските фудбалски фанови, а веројатно го постигна и најубавиот гол во кариерата.

Се работи за фудбалер кој пристигна во Гезтепе во јануари и тоа од редовите на Викинг, а дури денеска го постигна првиот гол во жолто-црвениот дрес.

Трипиќ е роден во Ријека, неговите родители потекнуваат од БиХ, но пораснал во Норвешка каде и ја започна фудбалската кариера.

Terrible golazo de Zlatko Tripić para Göztepe hoy.pic.twitter.com/MCqK6aXKZs

— Alejandro (@AleParra140202) September 12, 2020