Балкански начин да се спречи гол од пенал: Погодете го изведувачот во меѓуножјето (Видео)

Балканските дерби пресметки често знаат да донесат голема тензија и одредени прекини, па во тој контекст одело и словенечкото дерби меѓу Марибор и Олимпија Љубљана.

Гостите од престолнината добиле шанса да поведат во 17-та минута кога бил досуден пенал, но на крајот не дошло до изведување на најстрогата казна поради прецизноста на домашните навивачи.

Додека Австриецот Раул Флоруц се подготвувал да бие кон противничкиот гол, еден од фановите на Марибор го погодил со предмет во меѓуножјето, па неверојатната прецизност направила дербито да биде прекинато.

Главниот судија ги испратил фудбалерите во соблекувалната по несекојдневниот инцидент, но откако повторно се рестартирала играта, Флоруц не успеал да ја погоди мрежата од пенал.

Очигледно е дека тактиката на домашните навивачи вродила со плод, но на крајот не се радувал ниту еден од двата тима, бидејќи дербито завршило мирољубиво со резултат 1:1.

Horrible scenes in Maribor

Olimpija is awarded a penalty. Maribor fans throw a gas canister? at the taker Florucz

The game was immediately stopped.

Currently 1-1 pic.twitter.com/mrsF5H5mTu

— Slovenian football🇸🇮 (@sloveninho1) August 25, 2024