„Балкан-хендбол“ со лоши вести: ЕХФ го исфрла Вардар од ЛШ

Сезоната во Лигата на шампионите традиционално завршува со фајнал-фор турнирот во Келн, а неполни 24 часа по крајот на неверојатните возбудувања во „Ланксес арената“, угледниот регионален медиум специјализиран за ракомет пренесе лоша вест за македонскиот првак.

„Балкан Хендбол“ неофицијално дознава дека водечките луѓе на ЕХФ планираат да го остават двократниот првак Вардар без настап во Лигата на шампионите за новата сезона 2022/23, опција која почнала да се разгледува и анализира за време на изминатиот викенд во Келн.

Барселона излезе како победник од Германија и стана првиот колектив кој одбранил една титула во најелитното клупско натпреварување, па во сезоната која може да брка хет-трик, постои голема шанса дел од елитата да не биде Вардар.

Споменатиот извор открива дека причина за забраната која треба да му се воведе на ВАрдар е несредната финансиска ситуација која се одолговлекува неколку сезони, а за која водечките луѓе на ЕХФ досега имаа разбирање и во неколку наврати прогледуваа низ прсти.

Според „Балкан Хендбол“, ситуацијата нема да биде таква за новата сезона, па конечна потврда на оваа одлука се чека до крајот на седмицата која денеска стартуваше.