Балаг: Супер лигата веќе е реалност во Европа

Познатиот шпански новинар Гилјем Балаг важи за еден од најголемите фудбалски експерти во Европа и човек кој често има ексклузивни информации поврзани со најистакантите ѕвезди.

Во својата последна колумна за „Би-Би-Си“, Балаг го коментирал последниот преоден рок, потенцирајќи дека Премиер лигата е неофицијална европска Супер лига.

– Трошењето на Челси е импресивно и тоа е доказ дека Супер лигата веќе пристигна во Европа и е лоцирана во Англија.

– Ова е лигата каде менаџерите и фудбалерите сакаат да бидат, случајот со Мудрик и двојно поголемата плата на Челси во однос на понудата на Арсенал е само еден пример.

– Веќе нема враќање назад, Ла Лига се обидува да извлече максимум од својот потенцијал, но се уште е километри далеку од Премиер лигата. Сите фудбалери посакуваат трансфер во ПЛ, клубовите трошат многу и другите лиги мора да пронајдат друг начин за развој, – вели Балаг.