Поврзете се со нас

Светски првенства

Бајиќ: Групата не е атрактивна, но не е ниту лесна

Објавено

на

Драган Бајиќ како нов селектор на македонската кошаркарска репрезентација го однесе тимот во главните квалификации за Мундобаскетот во 2023-та година, а по извршената ждрепка ова попладне во Мие даде и прва изјава како лидер на новиот проект.

Македонија се најде во групата Г во која Шпанија е апсолутен фаворит за првото место, а во која Македонија би требало во најмала рака да има изедначени пресметки со селекциите на Украина и Грузија.

Трите најдобри селекции од групата ќе патуваат во втората фаза од главните квалификации, во кои Бајиќ најави дека ќе им дава уште шанси на млади кошаркари.

– Добивме група која не изгледа атрактивна, но не е ниту лесна. Но, мојата тренерска филозофија вели дека повеќе сакам противниците да размислуваат за нас, отколку ние за нив. Така е и овојпат. Во разговорите со колегите, дознав дека се вложува многу и во Грузија, и особено во Украина. Тоа се сериозни селекции, за шпанската не сакам да дискутирам. Сепак, во мојот реченик не постои зборот предавање.

– Јасна е визијата, сакаме низ овие натпревари да им дадеме уште поголема шанса на помладите. Верувајте во секој прозорец тоа ќе биде и видливо. Овие мечеви би биле само континутитет на реализација на плановите. Искрено се надевам дека во наредниот циклус ќе ги имаме на располагање и играчите кои не беа во можност да бидат дел од селекцијата. И сите заедно да уживаме и да напредуваме низ овие квалификациски натпревари. Се надевам дека зад нас ќе останат проблемите со короната, дека ќе се врати оној стар систем на натпреварување, – вели селекторот Бајиќ.

Реклама
Реклама
Реклама

Популарни