Баерн со лекција за „фармацевтите“, Елиот ги казни промашувањата на ПСЖ (Видео)

Баерн Минхен издоминира и убедливо победа во дуелот со германскиот ривал Баер Леверкузен, додека Харви Елиот влезе од клупата за резерви и донесе голема победа за Ливерпул на гостувањето кај ПСЖ.

Баварците уште во 9. минута поведоа со голот на Кејн и најавија дека одат на сигурна победа во дуелот со „фармацевтите“, а во вториот дел Мусиала зголеми на 2:0, за Кејн од белата точка да ги постави конечните 3:0.

Мукиеле во 62. минута заработи втор жолт картон и исклучување, па тоа дополнително ги искомплицира работите за гостинскиот состав, кој ќе има многу тешка задача на реваншот.

Головите може да ги видите ТУКА

Харви Елиот влезе во игра во 86. минута на местото на Мохамед Салах и веќе во следната постигна гол со кој го шокираше ПСЖ. Францускиот тим доминираше на оваа средба, не реализираше многу шанси покрај расположениот Алисон и на крајот беше казнет за промашувањата, па Ливерпул ќе го сочека реваншот со предност.

Голот може да го видите ТУКА