Баерн потврди дека календарската година завршила за двајца фудбалери

Баерн Минхен вчера ги освои посакуваните бодови во дуелот со Хајденхајм, но денеска бундеслигашот соопшти не толку позитивна вест поврзана со двајца фудбалери.

Со официјално соопштение, Баварците ги потврдија повредите на Алфонсо Дејвис и Кингсли Коман, па двајцата важни играчи во ротацијата на Венсан Компани нема да се вратат на терен до крајот на календарската 2024 година.

Дејвис и Коман ги заработиле повредите на вчерашниот дуел од Бундеслигата, а Французинот добил многу лоша вест иако играше само во финишот на натпреварот.

Двоецот на Компани нема да игра на последните три натпревари годинава, односно против Шахтјор во Лигата на шампионите и Мајнц и РБ Лајпциг во домашното првенство.

𝗦𝗽𝗲𝗲𝗱𝘆 𝗿𝗲𝗰𝗼𝘃𝗲𝗿𝘆, 𝗣𝗵𝗼𝗻𝘇𝘆 𝗮𝗻𝗱 𝗞𝗶𝗻𝗴! ❤️‍🩹

ℹ️ Alphonso Davies and Kingsley Coman have both suffered torn muscle fibres against 1. FC Heidenheim yesterday. Both players will be sidelined for the time being.#FCBayern #MiaSanMia pic.twitter.com/bh4osehII7

— FC Bayern (@FCBayernEN) December 8, 2024