Баерн под притисок на фановите да се откаже од еден спонзорски договор

Германскиот великан Баерн Минхен се најде пред неочекувано голем притисок од својата фан база, која бара клубот да се откаже од спонзорскиот договор со „Катар ервејс“.

Авио-компанијата е во државна сопственост на азиската земја и инвестира сериозна сума пари во буџетот на Баерн, но сега на претстојното собрание на клубот ќе биде разгледано барањето за повлекување од соработката.

Еден од членовите на клубот, Михаел От, доставил официјално барање за разгледување на точката, а главна причина за притисокот врз Баерн се критиките на адреса на Катар во однос на непочитувањето на основните човекови права.

– Катар е земја препознатлива поради непочитување на основните права, но и корупција во спортот. Со соработката, Баерн им помага на владејачките структури да го свртат вниманието на друга страна. Ваквото индеферентно однесување го нарушува и угледот на клубот, – вели От во своето барање.

Баерн и „Катер ервејс“ имаат договор до 2023 година, па барањето не е да се раскине договорот, бидејќи тоа би било комплицирано за клубот, туку уште отсега да се утврди дека тој договор нема да биде продолжен.