Баерн не мрдна на „БајАрена“, ама освои голем бод во германското дерби (ВИДЕО)

Баер Леверкузен и Баерн Минхен ги поделија бодовите во дерби средбата од 22. коло со која беше затворена денешната програма во Бундеслигата.

Актуелниот лидер беше безопасен на „БајАрена“, не упати ниту еден шут во рамките на голот на противникот, но имаше огрома среќа, домаќините ја погодуваа рамката од голот на Нојер, не реализираа добри шанси и на крајот се заврши со најнепопуларниот резултат 0-0.

Со ова избраниците на Компани ја задржаа предноста на табелата пред „фармацевтите“ или поточно имаат осум бода повеќе на 12 кола до крајот што значи се во одлична позиција да ја вратат титулата во своите витрини.