Германија

Баерн направи пресврт за прва бундеслигашка победа под водство на Компани

Објавено

на

25 август, 2024

Од

Dejan

Фото: https://twitter.com/FCBayern

Баерн Минхен мораше да прави пресврт, но на крајот успеа да го совлада Волфзбург (2:3) и со победа ја започна новата сезона во германската Бундеслига.

Мусиала го постигна првиот гол за Баварците и тоа во 20. минута на асистенција на Бои и го израдува новиот тренер Венсан Компани, но гостите не ги искористија своите шанси да го зголемат водството до крајот на полувремето.

Казната стигна на почетокот на вториот дел кога Мајер израмни од пенал, а само осум минути подоцна Хрватот постигна уште еден гол за целосен пресврт и шок кај потрофејниот ривал.

Сепак, само што Томас Милер влезе во игра, Баерн успеа да израмни со автоголот на Камински во 65. минута во ситуација кога ветеранот направи притисок кај противничките играчи, а клучниот момент се случи во 82. минута кога акцијата на Милер и Кејн, заврши со погодок на Гнабри за конечни 2:3.