Баерн може да му даде шанса на подзаборавен германски голман

Баерн Минхен потврди дека Мануел Нојер има повреда поради која ќе паузира до крајот на годината, па клубот веќе размислува за евентуално засилување за продолжението од сезоната.

„Билд“ тврди дека раководството на клубот има конкретен план кој се вика Лорис Кариус, односно подзаборавениот германски голман, кој во моментов е без ангажман.

Последен клуб на Кариус беше Њукасл, а иако не се прослави во периодот кога беше член на Ливерпул, Германецот има солидно искуство и во Бундеслигата.

Даниел Перец останува единствена опција за Венсан Компани во ситуација кога и Свен Улрајх е повреден, па останува да се види дали спортскиот менаџмент ќе одлучи да доведе искусна алтернатива од типот на Кариус.

Кариус беше поврзуван и со Барселона по повредата на Марк тер Штеген, но Каталонците се одлучија за Војчех Шчесни.