Баерн ја потврди својата моќ и го прегази Ајнтрахт во Франкфурт (Видео)

Баерн Минхен е голем фаворит за титулата во новата сезона од германското првенство, а тоа го потврди и со првиот настап во Франкфурт.

Избраниците на Јулијан Нагелсман славеа со 1:6 на вообичаено незгодното гостување, а пет гола постигнаа уште во првиот дел.

Серијата ја отвори Кимих во 5. минута, зголеми Павар, а до крајот на полувремето во листата на стрелци се запишаа и Мане, Мусиала и Гнабри.

Киксот на Нојер му овозможи на Ајнтрахт да постигне утешен гол, а до крајот Мусиала со вториот гол ги постави конечните 1:6.

За Ајнтрахт ова беше катастрофална генералка во пресрет на Европскиот Супер куп дуел со Реал Мадрид.