Баерн има чудо од дете: Лудорија на Мусиала како на мал фудбал (Видео)

Баерн Минхен успеа да го врзе Џамал Мусиала со нов долгорочен договор, а тоа можеби е и најдобрата работа која ја завршија директорите на германскиот првак во период на Ковид пандемијата.

Талентираниот тинејџер кој има 19 години прераснува во вистински фудбалски мајстор и својот квалитет го покажува од натпревар во натпревар, па откако брилјираше за Германија на мечот со Англија, сега се најде во фокусот и на петочното дерби со кое беше отворено новото коло во Бундеслигата.

Баерн Минхен конечно ја прекина црната серија и победи во домашното првенство по пауза од четири меча, а најодговорен за тоа е Џамал кој намести два гола и постигна еден во победата од 4:0.

Покрај голот во првиот дел и двете асистенции до Сане и Мане, Мусиала намести уште еден во вториот дел, но за жал, истиот беше поништен поради прекршок од Де Лихт во зачетокот на акцијата.

Таквиот еплилог беше вистинска штета, бидејќи пред топката да заврши во мрежата од ударот на Мане, Мусиала изведе неверојатна минијатура како на мал фудбал, минувајќи дури четири играчи на Леверкузен на простор од неколку метри….