Баерн го реши најкомплицираното прашање и со оригинално видео ги израдува своите фанови

Баерн Минхен во краток временски интервал успеа да ги продолжи договорите на Џамал Мусиала и Алфонсо Дејвис, а трендот на задржување на најдобрите на „Алијанц арена“ се комлетира со најважниот потпис оваа зима.

Баварскиот великан со месеци преговараше со својот заменик капитен, па после епизода во која се чинеше дека нема има конечен договор, Јозуа Кимих сепак останува верен на својот сакан клуб.

Неуморниот фудбалер кој може да покрие повеќе позиции на теренот стави потпис на нов договор во времетраење до 2029-та година, а тоа е убедливо најпосакуваната вест која ја чекаа навивачите на Баерн веќе подолго време.

Клубот го реши најкомплицираното прашање и го прослави постигантиот договор со објаување на оригинално видео, во кое Кимих е претставен како голем работник кој ги негува корењата кои тој цврсто ги постави во соблекувалната на Баерн.

– Баерн Минхен е најдоброто опкружување за мене, тука можам да ги остварам моите спортски цели. Ја донесов мојата одлука базирајќи се на овие факти. Не постои подобар пакет од соиграчи, стручен штаб и клупско опкружување за да го остварам најдоброто. Се чувствувам комотно тука и се уште не сум ја завршил мојата етапа во клубот, – порача Кимих.

Verwurzelt in München! Hier, um zu bleiben! 🌳 #Kimmich2029#MiaSanMia #FCBayern pic.twitter.com/j19CNI41BF

— FC Bayern München (@FCBayern) March 13, 2025

𝐓𝐢𝐞𝐟 𝐯𝐞𝐫𝐰𝐮𝐫𝐳𝐞𝐥𝐭 𝐢𝐦 𝐕𝐞𝐫𝐞𝐢𝐧. 🔴⚪

✍️ FC Bayern und Joshua Kimmich verlängern bis 𝟐𝟎𝟐𝟗.

🔗 https://t.co/x1wLmzfYas#Kimmich2029 #FCBayern #MiaSanMia pic.twitter.com/8XUQ07rx4c

— FC Bayern München (@FCBayern) March 13, 2025