Баерн го потврди трансферот на голем австралиски талент

Баерн Минхен денеска го комплетираше трансферот на Нестори Иранкунда, 17-годишниот австралиски крилен играч кој се наметна кај скаутите со одличните настапи во редовите на Аделејд.

Иранкунда ќе се пресели во редовите на Баерн по 1. јули, 2024 година, бидејќи ФИФА правилата не дозволуваат да се пресели во германскиот клуб пред да наполни 18 години.

– Го имавме Нестори на радарот подолго време и среќни сме што го комплетиравме договорот со него и неговиот клуб Аделејд.

– Се работи за исклучиво брз крилен фудбалер, со одличен дриблинг и добра завршница кон противничкиот гол, сигурни сме во неговиот потенцијал, – изјавил Јохен Зауер од младинската академија на Баерн.

Иранкунда е роден во Танзанија, но со семејството се преселил во Австралија како тримесечно бебе.

𝗦𝗲𝗿𝘃𝘂𝘀, 𝗡𝗲𝘀𝘁𝗼𝗿𝘆! 👋

Der #FCBayern hat das australische Offensivtalent Nestory #Irankunda verpflichtet. Der 17-Jährige kommt zum 1. Juli 2024 von Adelaide United und unterschreibt ab diesem Zeitpunkt einen langfristigen Vertrag. ✍️

👉 https://t.co/twNwMoOn4f… pic.twitter.com/EDnL9fFP8l

— FC Bayern Campus (@fcbayerncampus) November 14, 2023