Баерн го комплетираше трансферот на Сане: Ова е нов предизвик, има една главна цел!

Германскиот шампион Баерн Минхен го потврди најновото засилување за наредната натпреварувачка кампања-тоа е крилниот напаѓач Лерој Сане.

Сане подолго време беше траснфер мета на „баварците“ кои на крајот успеаа да се договорат со Сити и за 60 милиони евра да дојдат до посакуваната цел. Лерој се обврза на петгодишен договор со важност до 30 јуни 2025 година и со Баерн веќе од наредната седмица ќе ги започне подготовките за кампањата 2020/2021.

-Баерн е одличен клуб со големи цели-тие големи цели ми одговараат. Му се радувам на новиот предизвик и не можам да дочекам да тренирам со екипата. Го знам Ханси Флик од националниот тим до 21 година, таму имавме добар однос. Сакам да освојам што е можно повеќе титули со Баерн, топ приоритет е онаа во ЛШ, -истакна Сане кој во Сити мина 4 години во кои настапи на 135 натпревари во кои реализираше 39 голови и 45 асистенции.