Баерн ги подготви првите две летни засилување, едно е легенда на Борусија Дортмунд (Фото)

Баерн Минхен затвори една потпросечна сезона за свои стандарди и на доста среќен начин успеа да стигне до титулата во Бундеслигата, користејќи го киксот на Борусија Дортмунд во последното коло.

И покрај освоениот трофеј, главите кај баварскиот великан почнаа да летаат уште во првиот час по случувањата во Дортмунд и Келн, а отпуштањата на Оливер Кан и Хасан Салихамиџиќ комплетно ја менуваат трансфер политиката на клубот.

Карл Хајнц Румениге се врати во клубот и заедно со Томас Тухел и останатите менаџери ќе има главен збор околу трансферите, кои многу брзо ќе почнат да се реализираат на „Алијанц арена“.

Најдобро упатените германски медиуми тврдат дека Баерн веќе ги договорил првите две летни засилувања и истите ќе бидат презентирани во наредните неколку дена, а станува збор за Конрад Лајмер кој е договорен уште пред два месеци, како и Рафаел Гереиро.

Вториот фудбалер привлекува далеку поголемо внимание во јавноста, од едноставна причина што станува збор за легенда на Борусија Дортмунд. Гереиро мина седум години во Дортмунд и беше испратен со сите почести, но јасно е дека сега ќе ги разочара фановите на овој клуб откако ги договорил сите детали за трансфер во Баерн до 2026-та година.

Искусниот дефанзивец доаѓа како слободен агент, што значи дека Баерн нема да исплати ниту едно евро за неговиот ангажман.

❗️News #Guerreiro: Things went fast tonight. There’s a verbal agreement now and it’s almost a DONE DEAL as Guerreiro said YES to FC Bayern!

➡️ Medical scheduled for next week
➡️ He will sign a contract until 2026! @SkySportDE 🇵🇹 pic.twitter.com/q0YIzPkngH

— Florian Plettenberg (@Plettigoal) June 7, 2023

News #Laimer: The announcement about his move to #FCBayern is scheduled for the next two days! Probably on Friday. It’s all done.

Laimer & Guerreiro, two free deals for Bayern ✅

Bosses are impressed of Laimer‘s latest performances. With his current form he’s seen as a future… pic.twitter.com/o8b290pXyZ

— Florian Plettenberg (@Plettigoal) June 7, 2023