Баерн договори продолжување на соработката со уште една ѕвезда и ги воодушеви своите фанови

Раководството на Баерн Минхен ќе испорача уште една позитивна вест за своите фанови, откако успеа да договори продолжување на соработката со многу важен фудбалер.

Откако го забетонира статусот на Дејвис и Мусиала, Баерн добил зелено светло за нов договор и од агентите на Џозуа Кимих, кој решил да остане во Минхен и наредните години.

Последните вести од Германија беа дека Баерн ја повлекол понудата и се поизвесна е разделбата со Кимих, но на крајот се случи пресврт и германскиот репрезентативец уште долго ќе го носи дресот на бундеслигашот.

Кимих имал конкретна и атрактивна понуда од ПСЖ, за него се интересираа и великани од Шпанија и Англија, но 30-годишниот фудбалер сепак му дава предност на Баерн и очекувано е да го носи дресот на оваа екипа и до крајот на кариерата.

Новиот договор на Кимих ќе биде до 2029 година.