Баерн договори нов стопер, но прво мора да го продаде Де Лихт

Баерн Минхен во последните неколку дена напорно работи со чистка на играчите кои се сметаат за „прекубројни“ во првиот тим, а еден од оние на кои не смета тренерот Венсан Компани е и Матијс Де Лихт.

Баерн веќе се договори со Валенсија за заем на Брајан Сарагоса на „Месталја“, но пред да дојде до официјална потврда на оваа информација, баварците успаеја да договорат уште едноо засилување, кое ќе се реализира само во еден случај.

Покрај Сарагоса, Баерн навистина има сериозна намера да се ослободи и од Де Лихт, за кого чекаат добро скоцкана понуда од англискиот великан Манчестер Јунајтед.

Баерн веќе ја има договорено замената за Холанѓанецот и само чека продажба на поранешниот стопер на Јувентус, од кого очекува да заработи околу 40 или 50 милиони евра.

Баварците како негов наследник го имаат договорено Џонатан Та од Баер Леверкузен, па иако двата клуба си имаат подадено рака за 30 милиони евра, операцијата ќе се комплетира откако ќе се испразни едно место во одбраната на германскиот великан од „Алијанц арена“.