Бабунски со првенецот во Швајцарија ја потврди победата за Грасхоперс (Видео)

Доријан Бабунски направи голем трансфер изминатово лето и се пресели во најуспешниот швајцарски клуб, а после неколку меча одиграни за првиот тим, денеска го постигна и својот првенец.

Македонскиот репрезентативец го постигна првиот гол во дресот на Грасхоперс, откако денеска ја потврди победата за клубот од Цирих на гостувањето кај Ивердон.

Грасхоперс оствари сигурна победа од 0:3, во која Бабунски беше стартер и одигра 93 минути пред да биде симболично заменет во судиското продолжение.

Доријан својот погодок го постигна во 72-та минута и го постави конечниот резултат, откако дочека еден центаршут од десната страна.

Бабунски имаше сигурна реализација со својата лева нога, па искрено се надеваме дека ова ќе биде прв од многуте голови кои ќе ги постигне во оваа нова авантура.