Бабунски со два гола ја завери новата победа на Ботев Враца (Видео)

Доријан Бабунски постигна два гола за Ботев Враца во гостинската победа над Локомотив Пловдив (2:4), па очекувано бил избран и за играч на натпреварот од бугарското првенство.

Македонскиот интернационалец продолжи со одличните настапи во редовите на Ботев, екипа која полека ја напушта опасната зона на табелата во бугарскиот шампионат, а денеска ги постигна првиот и третиот гол во Пловдив.

Бабунски го отвори резултатот во 10. минута од пенал, а во вториот дел убаво го надмудри домашниот голман за резултат 1:3, кој се покажа и како доволен за заверка на трите бода од страна на Ботев.

Од почетокот на сезоната, Бабунски постигна 10 гола на 18 натпревари во бугарското првенство, па и не е изненадување што повеќе клубови се заинтересирани да го ангажираат уште во зимскиот преоден рок.