Бабунски: Не сме во позиција да потценуваме ниту еден противник

Во сабота го играме првиот натпревар од новото издание на Лигата на нации, а противник ни е селекцијата на Фарски Острови.

Средбата во Торшавн е закажана за 15 часот, а во истата ние влегуваме како благи фаворити. Сепак во денешниот фудбал нема слаби екипи, репрезентации и дефинитивно ова ќе биде предизвик, сериозен тест за избраниците на селекторот Благоја Милевски.

Тоа добро го знае фудбалерот на Данди Јунајтед, Давид Бабунски кој искрено, директно порача дека не сме во позиција да потценуваме ниту еден противник.

-Тоа што било, треба да го оставиме зад себе, да извлечеме поука и се обидеме да бидеме подобри. Како екипа мислам дека не сме во позиција да потценуваме било кој противник. Мора да се држиме до нашиот план и принципите во играта. Одговорноста и тактичката дисциплина треба да ни бидат приоритет за да дојде до израз нашиот квалитет, -порача Бабунски.