Поврзете се со нас

Европски купови

Бабиќ: Ќе ја променам стратегијата, верувам тоа ќе донесе резултат

Објавено

на

blank

Вечерва од 20:45 часот екипата на Еурофарм Пелистер ќе го одигра петтиот натпревар од групната фаза на Лигата на Европа и тоа против словенечки Тримо Требње.

Пелистер на минатонеделната средба во Словенија не се снајде и загуби со 28-24, но ова е нов меч и во таборот на клубот од Битола се надеват дека ќе ги поправат сите грешки и со максимална, пожртвувана игра низ сите 60 минути ќе дојдат до триумф во салата „Боро Чурлевски“.

-Направивме добра анализа на натпреварот во Словенија, го вративме победничкиот менталитет и верувам дека оваа ситуација е одлична за цел тим и за цел клуб. Стресот ни е неопходен и ова ќе биде тест за мене и за целата екипа. Треба да видиме дали може да играме против стресот и притисокот и да го добиеме овој натпревар.

-Овој дуел доаѓа во вистинско време и длабоко верувам во овој тим и во неговите квалитети. Во Словенија не го покажавме нашето право лице. Постојат и причини за тоа, но нема потреба да се навраќаме на тоа. Имаме стрес, притисок и јас се радувам на натпреварот.

-Моја одговорност е натпреварот во Љубљана. Морам да поработам на психолошки план, да можеме да играме 60 минути на високо ниво. Евидентно беше дека сме под притисок, бидејќи имавме одлични акции кои не ги реализиравме, а и во одбрана не одбранивме многу напади. Но, тоа во спортот се случува.
-Најважно е што ние имаме квалитет, па ако добро се тренира и ако тимот е заедно, треба да бидеме трпеливи и резултатите ќе дојдат. Можеби овој натпревар доаѓа во ситуација која за нас не е најдобра, но од проблемите се раѓаат можности. Малку ќе ја променам стратегијата и верувам дека тоа на крај ќе вроди со плод, -истакна тренерот Жељко Бабиќ.
„Фармацевтите“ по првите четири кола имаат учинок од едно реми и три порази.
Реклама
Реклама
Реклама

Популарни