Бабел: Вирц може да заврши само во два клуба

Флоријан Вирц заедно со Џамал Мусиала се двајцата најголеми таленти, играчи кои треба да бидат лидери на германската репрезентација во наредните 10-15 години.

Мусиала е веќе во Баерн Минхен и клубот се обидува со нов договор да го врзи на долги стази, но во исто време го посакува и Вирц кој во моментов е дел од Баер Леверкузен. Тој има договор до 30 јуни 2027 година, ама како што стојат работите 2025 може да биде година во која може да ја напушти „Бај Арена“ затоа што за него има интерес од повеќе клубови.

Се споменуваат повеќе опции меѓу кои и Баерн, меѓутоа според Маркус Бабел во моментов баварците немаат доволно средства за да реализираат ваква операција.

-Мислам дека Баерн не може да го донесе. Мислам дека целокупната трансферна сума и пакетот плата се огромни и за Баерн. Следното лето само ПСЖ и Реал Мадрид можат да го донесат, -вели Маркус кој му дава шанса на Баерн само во еден случај.

-Можам да замислам сценарио Флоријан Вирц да остане во Леверкузен до Светското првенство во 2026 година и тогаш Баерн сигурно ќе има шанса бидејќи тогаш ќе зборуваме за значително понизок трансфер од 80-90 милиони евра, -порача некогашниот германски репрезентативец.